A Rosa Vitale
He chiuso na parentesi dâ vita toja.
He fatto ‘a maestra pe 40 anne
cu l’ammore che sulo tu sapive dà.
‘E criature te guardaveno mbocca
pecchè tu ‘e sapive piglià.
‘A scola t’arrivaveno chiagnenno
e doppo tre anne se ne jeveno
cu ‘o core int’ ‘o zucchero
pronte p’ ‘a scola chiù grossa.
E mo finalmente a casa
pe fà chelli mille cose
che primma nu tenive ‘o tiempo ‘e fà,
speranno sulo ca l’uocchie ce stanno,
ca ‘e mane nu tremmano
e ca ‘o Signore te dà ‘a forza!
Mo he penzà sulo ê figlie,
he crescere ‘e nepute
e le he ‘a mparà tutte ‘e cose belle
ca ‘a vita ce porta comme a nu dono ‘e Dio!
(A 4 mani con Izzo Teresa)
(21 luglio 2016)