‘A dieta d’ ‘o ciuccio
«Che bello ciuccio!» dicette don Nicola
trasenno dint’ â stalla câ muglièra.
Peró é nu poco chiatto ncopp’ ê pacche
e tene ‘o grasso attuórn’ ‘o cuollo!
Cá ce vo’ súbbeto na dieta
cu poca évera e senz’ ‘o pasto.
Accummenciátte accussì a sparagná
ncopp’ ô fieno e ncopp’ â vrénna
e nu poco a vota ncopp’ â tutto.
Comme scennéva ‘e miezzo chilo,
‘o purtava a spasso p’ ‘o paese
‘nnanze e arèto p’ ‘o fa’ ammirà!
Uuuh! Quant’ era felice don Nicola!
E guai a chi diceva che nun era ovéro:
diventata nu nemico capitale!
Pô sfottere allora ‘a gente iéve dicenno:
«Uh comm’ è sicco ‘o ciuccio ‘e don Nicola!»
Sparagna oggi, sparagna dimáne
‘o mparatte a nu mangià.
Ma na bella matina cu na faccia ianca
e senza forze ‘o truvaje ncopp’ô fieno:
nun ce ‘a faceva manco a s’aizá.
Povero ciuccio, chiurétte ll’uocchie
primma ‘e dicere che ‘a vita è bella
pure chê pacche chiatte
e ‘o grasso attuórn’ ô cuollo!
(Baiano, 12 Dicembre 1993)