Nisciuno fa niente pe niente
Quanta cose faje pe l’ate
danno tanto senza chiedere
na cosa sola pe te,
pensanno sulamente che accussì
po te vonno bene.
Po siente che nisciuno
fa niente pe niente,
nisciuno fa na cosa pe l’ate
nisciuno arape ‘a porta
si vaje a bussà.
Si ce sta nu guadagno
allora zompeno comm’ ê cavallette,
allora ‘e vide sempe mmiezo
â primma fila a cumannà!
Sulo loro sanno e fanno
diceno e penzeno
vanno e veneno
quanno se tratta ‘e nzaccà
e purtà â casa.
Sulo ‘a curona le manca ncapa
câ bandiera dô trionfo,
ma na cosa bona però
pâ gente nâ fanno maje
pecchè penzeno sulamente
ê fatte lloro!
(Baiano, 25 Novembre 2014)