© © 2023 - Carmine Montella, Baiano (Av). Senza l’autorizzazione scritta del titolare del copyright è vietato l’uso di testi, immagini e video del sito.

Vulimmo ‘a legge!

 

«Nun se capisce chiù niente!

Nisciuno rispetta niente!

Ognuno fa comme le dice ‘a capa
e cumanna ‘o primmo che se scete ‘a matina!»
se lamenta Nicola matina e sera.

«Cà ce vò na legge seria;
nun se pò ghì annanze accussì! »

 

 

 

Mo ‘o Comune ha cagnato ‘e signale stradale
pe mettere nu poco ‘e ordine pê vie dô paese.

E’ overo però che nisciuno se ne fotte
pecchè ‘e catene fanno male,
manco chilli che l’hanno mettuto
e che hann’ ‘a dà l’esempio!

« ‘A cà nun se pò ghì!

‘A là nun te può fermà!»
mo se lamenta Nicola
matina miezeiuòrno e sera.

«E mo?... E mo faccio chello che fanno l’ate!

Me ne fotto pur’ io dâ legge
e faccio chello che me dice ‘a capa
senza guardà nfaccia ‘a nisciuno! »

 

(Baiano, 21 Dicembre 2014)