Mo vene Natale

Mo vene Natale

Mo vene Natale cu ‘o Maio a Baiano
e  ‘o juorno appriesso Santu Stefano
che ‘o purtammo a spasso p’ ‘e quartiere
tre vote all’anno sparanno ‘e fuoche ncielo.

‘A gente corre a s’abbraccià e a se vasà,

cu ‘e lacreme a l’uocchie
se canta e s’abballa int’ ‘o vuosco e p’ ‘o paese,
‘o munno è tutto rose e core.

Pure l’aucielle ncielo sò felice
e fanno mille gire ‘a ccà e a là.

‘A culochiatta chiamma ‘e figlie
e s’affacceno ‘a coppa a nu ramo ‘e noce
p’ ammirà  stu miraculo nterra.

Mparaviso se zompa e vola

comme ‘e cavallette mpazzite
vedenno chesta priezza ncopp’ ‘a terra.

Tu pienze ca mo esce ‘o sole,
torna l’azzurro dint’ ‘o core dâ gente,
ca ‘o  munno sta cagnanno.

Nisciuno se fa ncapa

chello ca succede ‘o juorno appriesso
quanno si sfraveca tutto ‘o custrutto!

Basta che a uno le tuocche na cosa,
‘o pizziche sulo cu na parola
ca te manna ô paese ‘e Pullecenella.

Pure n’amico ca sino a jere tu aje servito
se te po’ vuttà  int’ ‘o fuoco
nun ce penza doje vote
e arape ‘a porta d’ ‘o furno.

T’accuorge allora scunzulato
che mmiezo a stu bene ‘e Dio
ce stanno ‘e malate ‘e capa
che ietteno ‘e ciste chine ‘e cerase

ca ce aveno purtato ‘e pate
ncopp’ ê spalle cô scartiello.

(Baiano, 22 dicembre 2023)

TRADUZIONE

Fra poco viene Natale

Ora viene Natale con il Maio a Baiano
e il giorno dopo Santo Stefano (patrono del paese)
che portiamo in processione per i quartieri
 tre volte all’anno sparando i fuochi in cielo.

La gente corre ad abbracciarsi e a baciarsi,
con le lacrime agli occhi
si canta e si balla nel bosco e per il paese,
il mondo è tutto rose e cuori.

Pure gli uccelli in cielo sono felici
e fanno mille giri di qua e di là (volteggiano).
La scoiattola chiama i figli
e si affacciano da sopra un ramo di noce
per ammirare questo miracolo sulla terra.

In paradiso si salta e si vola
come le cavallette impazzite
vedendo questa gioia sulla terra.
Tu pensi che ora uscirà il sole,
tornerà l’azzurro nel cuore della gente,
che il mondo stia cambiando.
Nessuno immagina
quello che succederà il giorno dopo
allorquando si distruggerà tutto il “costruito”!
Basta che ad uno (gli) tocchi una cosa,
lo pizzichi solamente con una parola
che ti manda al paese di Pulcinella.
Anche un amico che fino ad ieri tu hai servito
se ti può buttare nel fuoco
non ci pensa due volte
e apre la porta del forno.
Ti accorgi allora sconsolato
che in mezzo a questo ben di Dio
ci sono i malati di testa
che buttano i cesti pieni di ciliegie
che vi hanno portato i padri
sulle spalle con la gobba.