Nu segreto ‘e tomba
‘E nisciuno chiù te può fidà
manco ‘e l’amice ‘e passaggio!
T'aggio cunfessato na cosa annascuso
t’aggio apierto ‘e bracce e ‘o core
e tu che faje, carogna mia?
Nu mecco ‘o pere manco ‘a fora ‘a porta
ca già ‘o sape chi nun l’avev’ ‘a sapè!
Azz! Avev’ ‘a esse nu segreto ‘e tomba,
e subbeto s’ è aizato ‘o cupierchio
‘a coppa ‘o tavuto!
Azz! Acqua in bocca
e ‘o vino è sciuliato a sciummo!
‘O secreto ‘e Pullecenella
s’infila dint’ â tutt’ ‘e viche
e ncopp’ â valanza allora che mecco?
'A lengua sciolta
chiena ‘e parole ammertecate!
(Baiano, 8 febbraio 2026)