‘E sfurbiciate
Uuuuh guarda a chella!
E… zac nu taglio!
La buona azione del mattino.
Uuuuh! Vire a chillo!
E…. zac n’ata sfurbiciata!
La buona azione del pomeriggio.
Uuuuh c’àveno fatto llà!
Uuuuh c’àveno fatto ccà!
La buona azione della sera.
Mannaggia â capa soja.
Tene 'e fforbece sempe 'mmano
pronte a fà sulo rammaggio.
'A lengua 'e rasulo
matina sera e notte
passa a rassegna
pure ‘e vetrine d’ ‘o paese.
Ha da nciucià
o si nno nu po’ campà,
e se pò caccheduno le fà
'o pilo e 'o contropilo
zompà comm' a na sarda frisca.
Chesta è ‘a vita
e ce vò pazienza pe campà!
(Baiano: 9 maggio 2026)