Io aggi’ ‘a alluccà
Sta murenno ‘o paese
e ‘a gente tira annanze,
ognuno penza ê fatte suoje
e chesto basta pe campà.
Se parla e se dice
ma sule chiacchiere
volano pe ll’aria.
Nu ditto dê pate nuoste
ci allicurda
ca tra ‘o dicere e ‘o fa
nce sta mmezo ‘o mare!
Nfilatevi mo dint’’e panne mieje.
Mille e mille songo ‘e cose
ca io putesse raccuntà,
mille e mille songo ‘e vote
ca m’aggio stracciato ‘o core â pietto
pe cumbattere sempe ‘nnanze.
Mo allora aggi’ âlluccà:
«Scurciateve ‘e bracce
e mettitevi a ll’opera,
faciteme vedè che site capace ‘e fa!
E chiacchiere fanno ‘e chierchie
‘e maccarune regneno ‘a panza!»
(Baiano, 24 luglio 2025